پی ایس ایکس میں تیزی، 100 انڈیکس میں 2900 سے زائد پوائنٹس کا اضافہ

پاکستان اسٹاک ایکسچینج میں آج کاروباری ہفتے کے چوتھے دن بھی تیزی دیکھنے میں آرہی ہے اور کاروبار کے آغاز میں 100انڈیکس میں 1.79 فیصد بڑھا ہے۔

پاکستان اسٹاک ایکسچینج کا 100 انڈیکس اس وقت 2950 پوائنٹس اضافے سے ایک لاکھ 67 ہزار 782 پوائنٹس کی سطح پر ہے۔

دوسری جانب انٹر بینک مارکیٹ میں امریکی ڈالر کی قیمت میں معمولی کمی دیکھی گئی۔

ایک پیسے کی کمی کے بعد ڈالر 278.55 روپے پر ٹریڈ کر رہا ہے۔