فیفا ورلڈ کپ 2026 کے راؤنڈ آف 32 میں جاپان کو برازیل کے ہاتھوں آخری لمحات میں 2-1 سے شکست کا سامنا کرنا پڑا، جس کے بعد جاپانی ٹیم ٹورنامنٹ سے باہر ہوگئی۔ میچ ختم ہونے پر ہیڈ کوچ ہاجیمے مورییاسو نے تمام کھلاڑیوں کو اپنے ساتھ جمع کیا اور پھر جاپانی شائقین کے سامنے سر جھکا کر ان کی حمایت پر شکریہ ادا کرتے ہوئے معذرت کی۔ کھلاڑیوں نے بھی اپنے کوچ کی پیروی کرتے ہوئے اجتماعی طور پر سر جھکایا، جبکہ اسٹیڈیم میں موجود شائقین نے ان کی اس عاجزی، کھیل کے جذبے اور احترام کو زوردار تالیاں بجا کر سراہا۔ یہ منظر سوشل میڈیا پر تیزی سے وائرل ہوگیا اور دنیا بھر میں جاپانی ٹیم کے کردار اور اسپورٹس مین شپ کی تعریف کی جا رہی ہے۔
