جنگ بندی کی خلاف ورزی: اسرائیلی حملے میں لبنانی فوج کے بریگیڈیئر جنرل سمیت 10افراد شہید

اسرائیلی فوج نے لبنان میں جنگ بندی کی دھجیاں اڑاتے ہوئے فضائی حملے کرکے لبنانی فوج کے بریگیڈیئر جنرل سمیت 10 افراد کو شہید کردیا جبکہ صیہونی فوج کے حملوں میں 22 افراد زخمی بھی ہوئے۔

لبنان کے وزیراعظم کی جانب سے اسرائیلی حملے میں 3 فوجیوں سمیت 10 افراد کے قتل کی مذمت کی گئی اور حملے کو لبنان پر گھناؤنا حملہ قرار دیا۔

دوسری جانب حزب اللہ نے جنوبی لبنان میں گھسنے والی اسرائیلی فوج اور مرکاوہ ٹینک پر حملے کیے اور ساتھ ہی ہفتے کو صیہونی فوج کے خلاف 22 آپریشنز کرنے کا دعویٰ بھی کیا۔