اینتھروپک کے سی ای او نے اے آئی کی ترقی کی رفتار فوری طور پر سست کرنےکی اپیل کردی
اے آئی کمپنی اینتھروپک کے سی ای او داریو اموڈے نے اے آئی کی ترقی کی رفتار فوری طور پر سست کرنے کی اپیل کی ہے اور خبردار کیا ہے کہ اگر ایسا نہ کیا گیا تو صرف 6 مہینوں میں باغی اے آئی ایجنٹس کے جھنڈ انٹرنیٹ پر قبضہ کرسکتے ہیں۔
امریکی نیوز ویب سائٹ کے مطابق معروف اے آئی چیٹ بوٹ کلاڈ بنانے والی کمپنی اینتھروپک کے سی ای او کا کہنا ہےکہ اگر اے آئی کی ترقی کی رفتار فوری طور پر سست نہ کی گئی تو 6 سے 12 مہینوں میں باغی اے آئی ایجنٹس انٹرنیٹ کو ہائی جیک کرسکتے ہیں، جس سے کھربوں ڈالر کا نقصان ہوسکتا ہے۔
حوثیوں کی جانب سے بیلسٹک میزائل کی تیاری کیلئے کلاڈ اے آئی استعمال کرنیکا انکشاف
داریو اموڈے کا کہنا تھا کہ ہمیں اے آئی ماڈلز کی صلاحیتوں کو بہتر بنانےکی رفتار کم کرنی چاہیے۔
ان کا کہنا تھا کہ ترقی پھر بھی تیز نظر آئے گی اور ہمیں حاصل ہونے والے وقت کا دانشمندی سے استعمال کرنا چاہیے۔
سی ای و اینتھروپک کا کہنا تھا کہ ان کی کمپنی یک طرفہ طور پر بیرونی جانچ کرنے والوں کو ملازمین جیسی رسائی دےگی تاکہ حفاظتی طریقہ کارچیک کیا جاسکے اور واقعات کی رپورٹ کی جاسکے، انہوں نے پوری انڈسٹری سے بھی یہی کرنےکی اپیل کی ہے۔
