خیبر پختونخوا میں 83 مطلوب دہشت گردوں کے سروں کی قیمت مقرر

سنٹرل پولیس آفس کے مطابق مطلوب دہشتگردوں کی اطلاع گرفتاری یا ان کے بارے میں مؤثر معلومات فراہم کرنے والے افراد کو بھاری مالی انعام دیا جائے گا جبکہ اطلاع دینے والے شخص کی شناخت مکمل طور پر خفیہ رکھی جائے گی۔

پولیس حکام کے مطابق مطلوب دہشتگردوں کے سروں کی قیمت 5 لاکھ روپے سے ایک کروڑ روپے تک مقرر کی گئی ہے۔ انعامی فہرست میں ڈیرہ اسماعیل خان، کلاچی، درازندہ، درابن، پروآ اور دیگر علاقوں سے تعلق رکھنے والے مطلوب دہشتگرد شامل ہیں۔

پولیس نے شہریوں سے اپیل کی ہے کہ وہ دہشتگردوں اور فتنۂ خوارج کی مشتبہ سرگرمیوں پر کڑی نظر رکھیں اور کسی بھی مشکوک شخص یا سرگرمی کی اطلاع فوری طور پر دیں۔ پولیس کا کہنا ہے کہ عوامی تعاون دہشتگردی کے خاتمے کے لیے نہایت اہم ہے۔