بلوچستان میں انٹرنیٹ ڈیٹا سروس 31 اگست تک معطل رہنے کا امکان، صارفین مشکلات کا شکار

بلوچستان کے مختلف علاقوں میں انٹرنیٹ ڈیٹا سروس معطل ہے، اور ذرائع کے مطابق یہ معطلی 31 اگست 2025 تک جاری رہ سکتی ہے۔

حکام کا کہنا ہے کہ یہ فیصلہ ممکنہ سیکیورٹی خدشات اور امن و امان کی صورتحال کو مدنظر رکھتے ہوئے کیا گیا ہے۔ تاہم، پاکستان ٹیلی کمیونیکیشن اتھارٹی (PTA) یا متعلقہ سرکاری اداروں کی جانب سے تاحال کوئی باقاعدہ اعلامیہ جاری نہیں کیا گیا۔

موبائل انٹرنیٹ کی بندش کے باعث تعلیمی ادارے، آن لائن کاروبار، فری لانسنگ، اور دیگر ڈیجیٹل سرگرمیاں بری طرح متاثر ہو رہی ہیں۔

شہریوں کا کہنا ہے کہ حکومت کو چاہیے کہ وہ کم از کم متبادل سروس فراہم کرے یا معطلی کے حوالے سے واضح شیڈول جاری کرے۔

سول سوسائٹی اور انسانی حقوق کے کارکنان نے انٹرنیٹ معطلی کو آزادی اظہارِ رائے اور معلومات تک رسائی کی خلاف ورزی قرار دیتے ہوئے فوری بحالی کا مطالبہ کیا ہے۔