ملک میں اگلے 24سے48گھنٹوں کے دوران مزید طوفانی اور موسلادھار بارشیں متوقع ہیں۔
این ڈی ایم اے کا کہنا ہے کہ ملک بھر کےتمام بڑے شہروں میں اربن فلڈنگ کا بھی خدشہ ہے،اربن فلڈنگ سے انفراسٹرکچر کو نقصان پہنچ سکتا ہے۔
شدید بارشوں سے نالوں کے قریب بستیاں سیلابی ریلوں سے متاثر ہوسکتی ہیں،عوام موسم کی تازہ ترین صورتحال سے باخبر رہیں۔
این ڈی ایم اے نے پاک این ڈی ایم اے ڈیزاسٹرالرٹ ایپلی کیشن لانچ کی ہے،ڈیزاسٹر الرٹ ایپلی کیشن سے عوام کو بروقت الرٹس اور گائیڈ لائنز فراہم کی جا سکیں گی۔
این ڈی ایم اے نے متعلقہ محکموں کو چوکس رہنے اورعوام کیلئے حفاظتی اقدامات کی ہدایت کی ہے۔
