حیدر آباد کے ضلع مٹیاری کے لیے رکھی گئی ترقیاتی اسکیموں میں بڑے پیمانے پر مبینہ کرپشن کا انکشاف ہوا ہے۔
محکمہ پلاننگ اینڈ ڈیولپمنٹ سندھ نے مٹیاری کے لیے رکھی گئی 225 اسکیموں کی رپورٹ جاری کر دی ہے۔
جاری رپورٹ کے مطابق 2012 سے2023 تک کے ترقیاتی منصوبوں میں سےکئی منصوبےخراب ہیں، ترقیاتی اسکیموں میں سے 3 اسکیمیں ایسی ہیں جو زمین پر سرے سے ہیں ہی نہیں۔
رپورٹ میں بتایا گیا ہے کہ 2012 سے 2013 کے ترقیاتی منصوبوں میں سے 9 اسکیموں میں ایڈوانس رقم ادا کی گئی۔
محکمہ پلاننگ اینڈ ڈیولپمنٹ کی جاری کردہ رپورٹ کے مطابق مٹیاری کے لیے 95 ترقیاتی منصوبوں کا معیار اچھا نہیں ہے۔
