چیف جسٹس قاضی فائز عیسیٰ نے کہا ہے کہ پاکستان سے کلاشنکوف کلچر کو ختم کرنا ہو گا۔
سپریم کورٹ نے چوری کے الزام میں نامزد ملزم کاشف کی ضمانت کے کیس کی سماعت کے موقع پر ملک بھر میں ممنوعہ اسلحہ کے لائسنس جاری ہونے سے متعلق تفصیلات طلب کرتے ہوئے سیکرٹری داخلہ ، تمام محکمہ داخلہ سیکرٹریز ،آئی جیز ، اٹارنی جنرل، صوبائی ایڈووکیٹ جنرلز کو نوٹس جاری کر دیئے اور حکم نامے کی کاپی بھجوانے کی بھی ہدایت کی۔
