ضلع موسیٰ خیل کے علاقے زمری پلاسین میں مقامی افراد نے ایک نایاب جنگلی بندر کو 60 گولیاں مار کر ہلاک کر دیا۔ علاقہ مکینوں کے مطابق یہ بندر بار بار ان کے مال مویشیوں پر حملہ آور ہوتا رہا، جس کے باعث مقامی لوگوں نے اسے شکار کیا۔
عوام نے واقعے پر سخت ناراضی کا اظہار کرتے ہوئے حکومت اور متعلقہ محکموں سے مطالبہ کیا ہے کہ جنگلی حیات کے تحفظ کے قوانین کے تحت بندر کو قتل کرنے والے ملزمان کے خلاف فوری اور سخت کارروائی کی جائے، تا کہ آئندہ نایاب جانوروں کا غیر قانونی شکار رک سکے۔
