ملک بھر میں سونے کی فی تولہ قیمتوں میں بڑی کمی ریکارڈ کی گئی۔
تفصیلات کے مطابق بین الاقوامی مارکیٹ میں فی اونس سونے کی قیمت میں کمی دیکھی گئی ہے جس کے بعد نئی قیمت ایک ہزار 936 امریکی ڈالر ہو گئی ہے۔
عالمی مارکیٹ میں قیمتیں کم ہونے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالہ، فیصل آباد، ملتان، راولپنڈی سمیت دیگر جگہوں پر فی تولہ سونے کی قیمت میں دو ہزار 800 روپے کمی ریکارڈ کی گئی اور قیمت 220200 روپے ہوگئی۔
اسی طرح دس گرام سونے کی قیمت میں بھی 2401 روپے کمی ریکارڈ کی گئی جس کے بعد قیمت 188786 روپے ہوگئی۔
اُدھر فی تولہ چاندی کی قیمت 50 روپے کمی کے بعد 2750 روپے جبکہ دس گرام چاندی کی قیمت 48 روپے کمی کے بعد 2357 روپے پر آگئی۔
