اسلام آباد: پاکستان میں ایران اور امریکا کے درمیان مجوزہ مذاکرات کے دوسرے دور کے سلسلے میں اہم پیشرفت سامنے آئی ہے۔ جہاں امریکی ایڈوانس سیکیورٹی ٹیم کے 6 خصوصی طیارے پاکستان پہنچ گئے۔
ذرائع کے مطابق امریکی ایڈوانس سیکیورٹی ٹیم کے خصوصی طیاروں نے نورخان ایئربیس پر لینڈ کیا۔ امریکی ٹیم اپنے ہمراہ لاجسٹک سامان اور متعدد گاڑیاں بھی لائی ہے، جو آئندہ مذاکراتی عمل کے دوران استعمال کی جائیں گی۔
ذرائع کے مطابق خصوصی طیاروں کے ذریعے بلٹ پروف گاڑیاں اور ایمبولینس بھی پاکستان منتقل کی گئی ہیں۔ تاکہ سیکیورٹی انتظامات کو مزید مؤثر بنایا جا سکے۔
ذرائع کے مطابق متوقع امریکی وفد انہی گاڑیوں کے ذریعے اپنی آمدورفت کرے گا۔ جبکہ ہنگامی صورتحال سے نمٹنے کے لیے ایمبولینس بھی ساتھ رہے گی۔
