امریکی ماہرین نے دماغ کی سرجری کے بغیر اندرونی حصوں میں موجود نیورونز کی سرگرمی متحرک کرنے کا نیا طریقہ تیار کرلیا۔
امریکی جریدے کےمطابق ایرانی نژادامریکی نیوروسرجن علی رضائی کی سربراہی میں ماہرین نے الٹرا ساؤنڈ ٹیکنالوجی کے ذریعے دماغ کے گہرےحصوں کو بغیرکسی جراحی عمل کے متحرک کرنے کے کامیاب تجربات کیے ہیں۔
ماہرین کےمطابق اس تکنیک میں کھوپڑی میں سوراخ کیے بغیر مخصوص الٹراساؤنڈ لہروں کو دماغ کے مطلوبہ حصے تک پہنچایا جاتا ہے،جس سے نیورونزکی سرگرمی میں تبدیلی لائی جاسکتی ہے۔
رپورٹ کےمطابق اب تک 47 افرادمیں نشے کی لت سمیت مختلف نفسیاتی عوارض کے علاج کے لیے اس طریقےکا استعمال کیاجاچکا ہے،جبکہ اس ٹیکنالوجی کی افادیت اور محفوظ استعمال کے حوالے سے مزید تحقیق جاری ہے۔
