انٹرنیشنل
امریکا کا ایران پر حملہ ثابت کرے گا کہ خطے میں چین کی طاقت محدود ہے: نیویارک ٹائمز
امریکی اخبار نیویارک ٹائمز میں شائع مضمون میں کہا گیا ہے کہ امریکا کا ایران پر حملہ ثابت کرے گا کہ خطے میں چین کی طاقت محدود ہے۔
امریکی اخبار میں شائع مضمون میں کہا گیا ہے کہ اس بات کا کوئی امکان نہیں ہے کہ چین امریکا کے خلاف ایران کی ملٹری لحاظ سے مدد کرے، چین زیادہ سے زیادہ ایران کو دفاعی ساز و سامان فراہم اور سیاسی و سفارتی حمایت کرسکتا ہے۔
نیویارک ٹائمز کے مضمون میں یہ بھی کہا گیا ہے کہ چینی صدر شی جن اور روسی صدر پیوٹن کی فون کال کے بعد جاری بیان میں بھی صرف فوری جنگ بندی کا مطالبہ کیا گیا ہے۔
مضمون کے مطابق چینی صدر کی جانب سے اسرائیل کے ایران پر حملے کی مذمت نہیں کی گئی ہے۔
