ہانگ کانگ (hong kong)کی رہائشی عمارتوں میں گزشتہ روز لگنے والی آگ پر قابو پالیا گیا، ہلاکتوں کی تعداد 83 ہو گئی جبکہ 300 افراد لاپتہ ہیں۔
خبر ایجنسی کے مطابق لاپتہ افراد کی متاثرہ عمارتوں میں تلاش جاری ہے،ہانگ کانگ کی 31 منزلہ 7 رہائشی عمارتوں میں آگ بھڑک اٹھی تھی ۔
علاوہ ازیں مقامی پولیس نے مرمت کے کام کے ذمہ دار ٹھیکیدار ادارے کے دو سینئر عہدیداروں اور ایک انجینئر کو حراست میں لے لیا ہے۔
پولیس کے مطابق عمارت کی مرمت کے دوران استعمال ہونے والا مواد فائر سیفٹی کے معیار پر پورا نہیں اترتا تھا، جس کے باعث آگ تیزی سے پھیلی۔
