کوئٹہ میں امن و امان کی صورتحال کے پیش نظر صوبائی حکومت نے سخت اقدامات کرتے ہوئے دفعہ 144 نافذ کر دی۔
اس حوالے سے محکمہ داخلہ بلوچستان نے باضابطہ نوٹیفکیشن جاری کر دیا ہے، جس کے مطابق شہر بھر میں متعدد پابندیاں فوری طور پر مؤثر ہو گئی ہیں۔
نوٹیفکیشن کے مطابق ضلع کوئٹہ میں اسلحے کی نمائش اور استعمال پر مکمل پابندی عائد کر دی گئی ہے خواتین اور بچوں کے علاوہ موٹرسائیکل کی ڈبل سواری پر بھی پابندی ہوگی جبکہ گاڑیوں پر سیاہ شیشے لگانے کی سخت ممانعت کر دی گئی ہے، بغیر رجسٹریشن موٹر سائیکلوں کی نقل و حرکت پر بھی پابندی لاگو کردی گئی ہے۔
