اسلام آباد: پاکستان تحریک انصاف (پی ٹی آئی) کے رہنما علی محمد خان نے کہا ہے کہ اگر ہمارے ساتھ انصاف ہو تو ہم حکومت بنانے کی پوزیشن میں ہیں۔
پی ٹی آئی کے رہنما علی محمد خان نے ہم نیوز کے پروگرام “ہم دیکھیں گے منصور علی خان کے ساتھ” میں گفتگو کرتے ہوئے کہا کہ پی ٹی آئی کی کور کمیٹی کا اجلاس ہوا اور اجلاس میں آصف زرداری سے رابطہ کی کوئی بات نہیں ہوئی تاہم ہو سکتا ہے شیر افضل مروت کے ساتھ آصف علی زرداری کا کوئی رابطہ ہوا ہو لیکن میرے علم میں نہیں ہے۔
انہوں نے کہا کہ سابق چیئرمین پی ٹی آئی نے علی امین گنڈا پور کو وزیراعلیٰ کے لیے نامزد کیا ہے اور علی امین گنڈاپور کو خیبر پختونخوا میں تجربہ بھی ہے اس لیے وہ ڈیلیور کریں گے۔
