بھارت میں پروازوں کا شیڈول ایک بار پھر درہم برہم، ایک ہزار سے زائد پروازیں منسوخ

بھارت میں پروازوں کا شیڈول مسلسل چوتھے روز تعطل کا شکار ہے اور انڈیگو ائیر لائن نے اپنی ایک ہزار سے زائد پروازیں منسوخ کر دی ہیں۔

غیر ملکی خبررساں ایجنسی کے مطابق فضائی سفر کو مزید محفوظ بنانے کے لیے بھارتی حکام نے پائلٹس کے اوقات کار پر نئی پابندیاں عائد کی ہیں اور رات کی پروازوں کے لیے مزید سخت قواعد متعارف کرائے ہیں۔

تاہم انڈیگو نے اعتراف کیا ہے کہ وہ یکم نومبر کی ڈیڈلائن سے پہلے ان قواعد کے نفاذ کی مناسب تیاری نہیں کر سکی یوں دسمبر کے مصروف ٹریول سیزن کے آغاز سے قبل رواں ہفتے بڑے پیمانے پر پروازوں کی منسوخی ہوئی جس سے ہزاروں مسافر ائیرپورٹس پر پھنس کر رہ گئے۔