رضوانہ تشدد کیس میں سول جج عاصم حفیظ کی اہلیہ ملزمہ صومیہ عاصم پر فرد جرم عائد کر دی گئی۔
اسلام آباد کے سول جج عمر شبیر کی عدالت میں رضوانہ تشدد کیس کی سماعت ہوئی، رضوانہ کی والدہ اپنے وکلا اور ملزمہ صومیہ عاصم اپنے وکلا کے ہمراہ عدالت پیش ہوئیں۔
عدالت نے فرد جرم پڑھ کر سنائی جس پر ملزمہ صومیہ عاصم نے صحت جرم سے انکار کردیا۔
عدالت نے صومیہ عاصم کے خلاف ٹرائل کا باقاعدہ آغاز کر دیا اور آئندہ سماعت پر گواہان کو بیان ریکارڈ کروانے کے لیے طلب کر لیا اور کیس کی سماعت 20 مارچ تک ملتوی کر دی گئی۔
واضح رہے کہ صومیہ عاصم پر کمسن ملازمہ رضوانہ کو تشدد کا نشانہ بنانے کا الزام ہے۔ تشدد کے نتیجے میں رضوانہ کے سر پر لگے زخموں میں کیڑے پڑ گئے تھے ۔
