آبنائے ہرمز میں سعودی پرچم والے تیل بردار ٹینکر پر حملہ

برطانوی خبرایجنسی کے مطابق واقعہ عمان کے ساحل کے قریب پیش آیا،حملے میں آئل ٹینکر کو نقصان پہنچا، برطانیہ کے میری ٹائم ٹریڈ آپریشنز کے مطابق واقعے میں کوئی جانی نقصان یا ماحولیاتی آلودگی رپورٹ نہیں ہوئی۔

اس سے قبل عمان میں ہی ایک ایل این جی ٹینکر بھی پروجیکٹائل کے حملے سے متاثر ہوا تھا۔ برطانیہ کے میری ٹائم ٹریڈ آپریشنز کا کہنا ہے سلطنتِ عمان کے ساحل کے قریب ایک آئل ٹینکر نامعلوم پروجیکٹائل کی زد میں آگیا۔ جس کے نتیجے میں جہاز میں آگ بھڑک اٹھی۔

بیان کے مطابق واقعہ لیما بندرگاہ کے مشرق میں 8 میل کے فاصلے پر پیش آیا۔ متعلقہ حکام واقعے کی تحقیقات کر رہے ہیں جبکہ علاقے میں موجود تمام بحری جہازوں کو احتیاط برتنے اور کسی بھی مشتبہ سرگرمی کی فوری اطلاع دینے کی ہدایت کی گئی ہے۔