شدید ہیٹ ویو کے باعث فرانس اور اسپین میں جنگلات کی آگ نےتباہی مچا دی، جس کے نتیجے میں فرانس میں ڈیڑھ لاکھ جبکہ اسپین میں ہزاروں افراد کو محفوظ مقامات پر منتقل کر دیا گیا۔
فرانس کے جنوب مغربی علاقےمیں جنگلات کی آگ کے باعث سیاحتی مقام کیپ فیرے سے مکمل انخلا کی ہدایت جاری کر دی گئی،حکام کےمطابق 47 ہزار ایکڑ سے زائد جنگلات آگ کی لپیٹ میں آچکےہیں،جبکہ 100 سےزیادہ گھروں کو نقصان پہنچا ہے۔
فرانس کےصدرمیکرون نےفوج کوہدایت کی ہےکہ وہ آگ بجھانےمیں مدد دے،جبکہ میڈرڈ کےنواح میں بڑی آگ لگنے کے سبب اسپین میں اپنی نوعیت کی پہلی بار قومی ہنگامی حالت نافذ کردی گئی ہے۔
اسپین میں بھی آگ سے 43سےزائد گھر تباہ ہوئے،میڈرڈ کےمغرب میں واقع پہاڑی علاقے سے 19 ہزار افراد کو انخلا کی ہدایت کی گئی،علاقے میں 2ہزار اہلکار اور 10 طیارے آگ بجھانے میں مصروف ہیں۔
