انٹرنیشنل
امریکا کا جنوبی کوریا کے ساتھ فوجی مشقیں طے شدہ وقت سے ایک ہفتہ قبل ختم کرنےکا فیصلہ
امریکا نے جنوبی کوریا کے ساتھ فوجی مشقیں طے شدہ وقت سے ایک ہفتہ قبل ختم کرنےکا فیصلہ کیا ہے۔
امریکی دفاعی ادارے پینٹاگون کے عہدیدار کا کہنا ہے کہ امریکا نے جنوبی کوریا کے ساتھ فوجی مشقوں میں نمایاں کمی کردی ہے اور اب مشقیں طے شدہ وقت سے ایک ہفتہ قبل مکمل ہوں گی۔
پینٹاگون عہدیدار کے مطابق مشقوں کے دورانیے میں تبدیلی کے باوجود فوجی تیاری اور تربیتی اہداف برقرار رہیں گے۔
امریکا کی جانب سے فوجی مشقیں طے شدہ وقت سے پہلے ختم کرنے پر ردعمل دیتے ہوئے جنوبی کوریا کے وزیر خارجہ نے کہا کہ جنوبی کوریا اور امریکی حکام کو ٹرمپ کے فیصلے کا پہلے سے علم نہیں تھا۔
جنوبی کورین وزیر خارجہ کے مطابق ٹرمپ کے پیغام میں ایران جنگ میں شامل ہونے کے لیے جنوبی کوریا پر دباؤ نظر آتا ہے۔
