پاکستان کے پہلے ریموٹ سینسنگ سیٹیلائٹ اورٹیکنالوجی ایویلیوایشن سیٹیلائٹ کے مدار میں 6 سال مکمل ہوگئے۔
ٹیکنالوجی ایویلیوایشن سیٹیلائٹ پاک ٹی ای ایس ون سے زمین کی لی گئی تصاویر جاری کردی گئیں۔
ترجمان سپارکو نے بتایاکہ دبئی، سعودی عرب اور پاکستان کے مختلف مقامات کی سیٹیلائٹ تصاویر جاری کی گئی ہیں۔
ترجمان سپارکو کا کہناتھاکہ سیٹیلائٹ سے حاصل ہونے والا ڈیٹا قومی ترقی اور سائنسی تحقیقات میں معاون ثابت ہو رہا ہے۔
ترجمان نے کہا کہ سپارکو اپنے تمام شراکت داروں، سائنسدانوں اور انجینیئرز کا شکر گزار ہےجنہوں نےاس مشن کوکامیاب بنایا۔
پی آر ایس ایس ون اورپاک ٹی ای ایس ون چین کے جیوکیوان سیٹلائٹ لانچ سینٹر سے 9 جولائی 2018 کو لانچ ہوئے تھے۔
