پہلگام فالس فلیگ آپریشن پر بھارت میں بھی آوازیں اٹھنے لگیں، مودی سرکارسے ثبوت فراہم کرنے کا مطالبہ

بھارتی سکھ رہنماگوپال سنگھ نے کہا کہ پہلگام فالس فلیگ آپریشن میں پاکستان ملوث ہونےکا حکومت کے پاس کوئی ثبوت نہیں، بھارتی خفیہ ایجنسیاں کیوں ناکام رہیں؟

گوپال سنگھ نے کہا کہ بھارت نے یہ ڈرامہ صرف پاکستان پرجنگ مسلط کرنے کیلئے رچایا، ہم مودی سرکار کے مؤقف کویکسر مسترد کرتے ہیں۔

بھارتی جریدے دی وائرنےبھی پہلگام فالس فلیگ آپریشن میں پاکستان پر بغیرکسی ثبوت الزامات پرسوالات اٹھا دیے ہیں جبکہ کانگریس رہنماملکارجن نے کہا کہ مودی نے پہلگام حملے سے تین روز قبل جموں و کشمیر میں ممکنہ حملے کی خفیہ اطلاع ملنے پر اپنا دورہ منسوخ کردیا تھا۔

سابق وزیر اعلیٰ مشرقی پنجاب اور رکن پارلیمنٹ چرن جیت سنگھ چنی نے پہلگام فالس فلیگ کو مشکوک قراردیتےہوئےعوام کو حقائق سے آگاہ کرنے کا مطالبہ کیا۔