مسلم لیگ (ن) کے قائد نواز شریف نے پارٹی رہنماؤں کو پاکستان پیپلزپارٹی کے چیئرمین بلاول زرداری کی تنقید کا نوٹس نہ لینے کی ہدایت کردی۔
پروگرام کیپٹل ٹاک میں گفتگو کرتے ہوئے رہنما ن لیگ سینیٹر عرفان صدیقی کا کہنا تھا کہ جلسہ عام میں گفتگو کو اگر منشور کا نام دیا جاسکتا ہے تو ن لیگ کا منشور پھر پہلے ہی آگیا، جب احساس ہوکہ جماعت کی عوامی مقبولیت نہیں تو وہ کوئی بھی چیز کہ سکتے ہیں لیکن جس جماعت کو عوام کی تائید کا یقین ہو تو سوچ سمجھ کر وعدے کرنا پڑتے ہیں۔
انہوں نے کہا کہ مسلم لیگ ن کا منشور 27 جنوری کو آئے گا، ن لیگ کا منشور جامع منشور ہے کھوکھلے وعدوں پر مشتمل نہیں۔
