ریاض: سعودی حکومت نے آئندہ حج سیزن میں چندہ جمع کرنے پر 7 سال قید اور 50 لاکھ ریال جرمانے کا اعلان کر دیا۔
غیر ملکی خبر رساں ایجنسی کے مطابق سعودی حکومت نے عازمین کو خبردار کیا ہے کہ کوئی بھی بغیر اجازت چندہ جمع نہ کرے بصورت دیگر سخت کارروائی کی جائے گی۔
انہوں نے کہا کہ چندہ جمع کرنے سے متعلق فیصلے کی خلاف ورزی کرنے والوں کو سخت سزاؤں کا سامنا کرنا پڑے گا۔
سعودی پبلک پراسیکیوشن نے آئندہ حج سیزن میں شرکت کرنے والے عازمین کو غیر مجاز فنڈ ریزنگ سرگرمیوں میں ملوث ہونے کے خلاف خبردار کرتے ہوئے کہا کہ چندہ جمع کرنے والے کو 7 سال تک قید، 50 لاکھ ریال تک جرمانہ یا ممکنہ طور پر دونوں سزاؤں کا سامنا کرنا پڑ سکتا ہے۔
