کوئٹہ : بلوچستان کے محکمہ ایکسائز اینڈ ٹیکسیشن نے صوبے کی گاڑیوں کیلئے اسمارٹ کارڈ کے اجرا کا حتمی فیصلہ کرلیا دو ہفتوں کے دوران شہریوں کو گاڑیوں کے اسمارٹ کارڈ ملنا شروع ہوجائیں گے ۔سیکرٹری ایکسائز اینڈ ٹیکسیشن بلوچستان سید ظفر علی بخاری نے بتایا کہ بلوچستان کی گاڑیوں کیلئے اسمارٹ کارڈ کے اجرا کیلئے کراچی میں گورنمنٹ پرنٹنگ پریس سمیت دو اداروں سے معاہدہ ہوگیا ہے،یہ ادارے بلوچستان کی گاڑیوں کے مالکان کو اسمارٹ کارڈ بناکر دیں گے۔سید ظفر علی بخاری نے بتایا کہ جدید فیچر کا حامل اسمارٹ کارڈ کے اجراکے بعد پرانی وہیکل بک ختم کردی جائے گیاسمارٹ وہیکل کارڈ کیلئے گاڑی کے مالک کو 2500 روپے کی ادائیگی کرنا ہوگی ۔
