غزہ میں اسرائیلی فوج کا گاڑی پر حملہ، سینیئر حماس رہنما رائد سعد کو شہید کرنے کا دعویٰ

غزہ میں اسرائیلی فوج نے جنگ معاہدے کی خلاف ورزی کرتے ہوئے ایک گاڑی پر فضائی حملے میں حماس کے سینیئر رہنما رائد سعد کو شہید کرنے کا دعویٰ کیا ہے۔

عرب میڈیا کے مطابق مغربی غزہ شہر میں ایک گاڑی پر اسرائیلی حملے کے نتیجے میں کم از کم5 افراد شہید جبکہ 25 سے زائد افراد زخمی ہوئے ہیں۔

اسرائیلی وزیراعظم کے دفتر کے مطابق وزیراعظم بنیامین نیتن یاہو اور وزیرِ دفاع اسرائیل کاٹز نے رائد سعد کو نشانہ بنانے کے احکامات دیے تھے۔

بعد ازاں اسرائیلی فوج کے بیان میں کہا گیا کہ یہ کارروائی شن بیٹ انٹیلی جنس ایجنسی کے تعاون سے کی گئی اور اس میں رائد سعد شہید ہو گئے۔

اسرائیلی فوج بیان میں دعویٰ کیا گیا کہ حالیہ ہفتوں میں حماس اپنی صلاحیتیں بحال کرنے اور خود کو منظم کرنے کی کوشش کر رہی تھی۔