برطانوی وزیراعظم کیئر اسٹارمر نے امریکا میں تعینات برطانوی سفیر پیٹر منڈیلسن کو جنسی جرائم کے مجرم جیفری ایپسٹین سے تعلق کے الزام پر برطرف کردیا۔
جیمز روسکو کو پیٹر منڈیلسن کی جگہ قائم مقام سفیر مقرر کر دیا گیا۔ برطانوی وزارتِ خارجہ کے مطابق پیٹر مینڈلسن کے خطوط اور ای میلز سے ان کا جیفری ایپسٹین سے گہرا اور وسیع تعلق ظاہر ہوتا ہے۔
خیال رہے کہ بدنامِ زمانہ جیفری ایپسٹین امریکی کروڑ پتی تھا جو کم عمر لڑکیوں کی اسمگلنگ اور جنسی جرائم میں ملوث تھا۔
جیفری ایپسٹین نے 2019 میں دوران قید خودکشی کر لی تھی ۔
