پی ٹی سی ایل ہیڈکوارٹرز قومی پرچم کے رنگوں سے جگمگا اٹھا، 79ویں یومِ آزادی کا شاندار جشن

پی ٹی سی ایل ہیڈکوارٹرز پر قومی پرچم کے رنگوں میں کی گئی برقی آرائش نے عمارت کو ایک دلکش منظر میں تبدیل کر دیا، جو پاکستان سے محبت، قومی یکجہتی، استقامت اور ترقی کے عزم کی عکاسی کرتی ہے۔

اس موقع پر پی ٹی سی ایل کی جانب سے کہا گیا کہ پاکستان کی قومی ٹیلی کمیونیکیشن کمپنی ہونے کے ناطے ادارہ لاکھوں پاکستانیوں کو باہم مربوط رکھنے اور ملک کو ایک مضبوط، مربوط اور ڈیجیٹل طور پر بااختیار بنانے میں اپنا کردار ادا کرنے پر فخر محسوس کرتا ہے۔

پی ٹی سی ایل نے کہا کہ اسلام آباد کے قلب سے 14 اگست کے موقع پر آزادی کے جذبے کو بھرپور انداز میں اجاگر کیا جا رہا ہے، جبکہ ادارہ وطنِ عزیز کی خدمت کے لیے اپنے عزم اور وابستگی کی تجدید بھی کرتا ہے۔

پی ٹی سی ایل کی جانب سے یومِ آزادی کے موقع پر "پاکستان زندہ باد” کے عزم کا اظہار کرتے ہوئے کہا گیا کہ ادارہ فخر کے ساتھ پاکستان کو جوڑنے کا سلسلہ جاری رکھے گا۔