پاکستان
اسلام آباد میں کوئی سڑک بند نہیں،کنٹینرز شہریوں کے تحفظ کیلئے رکھے گئے: وزارت اطلاعات
اسلام آباد: وزرات اطلاعات کا کہنا ہے کہ وفاقی دارالحکومت میں کوئی سڑک بند نہیں کی گئی ہے۔
وزارت اطلاعات کی جانب سے جاری بیان میں وفاقی دارالحکومت میں سڑکیں بند ہونے کی خبروں کو مسترد کیا گیا ہے۔
وزارت اطلاعات کا کہنا ہےکہ کنٹینرز شہریوں کی جان و مال کے تحفظ کیلئے رکھے گئے ہیں۔
وزارت اطلاعات کے مطابق اسلام آباد ہائیکورٹ کی ہدایات کی تعمیل میں احتیاطاً کنٹینرز رکھے گئے، حساس تنصیبات اور عوامی بنیادی ڈھانچے کے تحفظ کیلئے حفاظتی اقدامات کیے گئے ہیں ۔
وزارت اطلاعات کا کہنا ہےکہ جانبدارانہ رپورٹنگ گمراہ کن اور منفی تاثر پیدا کرتی ہے، جھوٹ اور پروپیگنڈا حقائق کا متبادل نہیں ہو سکتا۔
