امریکا کے 111 سالہ معمر ترین شخص کی لمبی عمر میں مددگار 3 عادات
لوئس کانو کی پیدائش 9 دسمبر 1914 کو کولمبیا میں ہوئی تھی۔
2025 میں انہوں نے 111 ویں سالگرہ منائی تھی اور انہیں امریکا کا معمر ترین زندہ فرد قرار دیا جاتا ہے۔
ان کی عمر کی تصدیق دنیا کے معمر ترین افراد کا ریکارڈ رکھنے والے ادارے LongeviQuest نے کی تھی اور انہیں دنیا کا 12 واں معمر ترین مرد قرار دیا تھا۔
ایک حالیہ انٹرویو کے دوران لوئس کانو نے اپنی لمبی عمر کے 3 راز بتائے۔
وہ الکحل سے دور رہتے ہیں
طبی ماہرین کے مطابق الکحل کی معمولی مقدار بھی صحت کے لیے تباہ کن ثابت ہوتی ہے، کیونکہ اس سے نیند متاثر ہوتی ہے، جسم کے اندرونی افعال میں مسائل بڑھتے ہیں جبکہ خلیاتی عمر اور ورم میں اضافہہ وتا ہے۔
اچھی نیند کو یقینی بناتے ہیں
نیند اچھی صحت کے لیے بہت زیادہ اہم ہوتی ہے۔
ماہرین کے مطابق نیند کوئی مشغلہ نہیں بلکہ صحت کے لیے انتہائی ضروری ہوتی ہے۔
اچھی نیند سے ہارمونز مستحکم ہوتے ہیں، دماغ سے زہریلے مواد کا اخراج ہوتا ہے جبکہ جسم کا ریکوری سسٹم بہتر ہوتا ہے۔
ہر فرد کو روزانہ 7 سے 9 گھنٹوں کی نیند کی ضرورت ہوتی ہے۔
تمباکو نوشی سے گریز
تمباکو نوشی سے متعدد امراض کا خطرہ بڑھتا ہے۔
اس سے نہ صرف لمبی عمر کا حصول ناممکن ہوتا ہے بلکہ مختصر المدت میں بھی صحت بہت زیادہ متاثر ہوتی ہے۔
اس عادت سے نظام تنفس اور دل کے امراض کا خطرہ بڑھتا ہے۔
لوئس کانو کے مطابق وہ لوگوں کے ساتھ اچھا سلوک کرتے ہیں جس سے بھی ان کی صحت پر مثبت اثرات مرتب ہوتے ہیں۔
