پاکستان آرمی کے جوان حوالدار ظہور احمد شہید کی نماز جنازہ بستی ببر ، راجن پور ان کے آبائی علاقے میں سرکاری اعزاز کے ساتھ ادا کر دی گئی۔
نماز جنازہ میں ڈسٹرکٹ پولیس آفیسر راجن پور ، ڈپٹی کمشنر راجن پور، پاکستان آرمی کے آفیسران ، رینجرز کے آفیسران ، معزز سیاسی و سماجی شخصیات اور شہریوں کی بڑی تعداد نے شرکت کی۔
شرکاء نے شہید حوالدار ظہور احمد کی عظیم قربانی کو خراجِ عقیدت پیش کرتے ہوئے ان کے درجات کی بلندی کے لیے دعا کی۔
اللہ تعالیٰ شہید کو جنت الفردوس میں اعلیٰ مقام عطا فرمائے اور سوگوار اہلِ خانہ کو صبرِ جمیل عطا فرمائے۔ آمین
