خاتون اینکر پرسن ربیعہ احسن کے قتل کی تحقیقات میں اہم پیشرفت سامنے آگئی

پولیس ذرائع کےمطابق ملزم احسن طاہر اور مقتولہ ربیعہ احسن کے درمیان چیٹ کا مکمل ڈیٹا حاصل کرلیاگیاہے،ابتدائی تجزیے میں دونوں کے درمیان لڑائی جھگڑے کا کوئی ثبوت نہیں ملا۔

ملزم نےدوران تفتیش بتایا کہ تیس بور پستول کافی عرصہ قبل خریدا تھا،جس کی دو میگزینز بھی تھیں،ملزم کے بیان کےمطابق پستول سے اچانک گولی چلی جو ربیعہ کی گردن کے نچلےحصے میں لگی،ربیعہ زمین پرگری تو وہ شدید پریشانی کا شکار ہو گیا اور ریسکیو 1122 کو کال کرائی۔۔

ملزم کےمطابق ریسکیو اہلکار پولیس سے پہلے موقع پر پہنچے اور ربیعہ کی سانس بحال کرنے کی کوشش کی،تاہم وہ جانبرنہ ہوسکی،پولیس واقعے کی مزید تحقیقات کر رہی ہے۔